Filmi “Pantera e Zezë” grumbullon 1 miliard dollarë

Filmi i Marvel, “Pantera e zezë”, ka mbledhur më shumë se 1 miliard dollarë në kinematë e botës.

Është filmi i pestë i Marvel Universe që arrin këtë shifër. Në film shfaqet Chadëick Boseman si sundimtari antikrim i Wakanda-s, një vend afrikan imagjinar, me teknologjinë më të avancuar në botë.

Fituesja e çmimit Oscar, Lupita Nyong’o, Michael B. Jordan dhe Daniel Kaluuya luajnë në role të tjera kyçe, me yllin e “The Hobbit”, Martin Freeman, si agjenti i CIA-s, Everett Ross.

Filmi ka marrë lëvdata për shkak se ndryshon rregullat e lojës, pasi ka një kast aktorësh kryesisht me ngjyrë dhe një producent me ngjyrë, Ryan Coogler.

Bazuar në vlerësimet e Disney-t për shitjen e biletave, filmi kapërceu shifrën e 1 miliard dollarëve në ditën e 26 të daljes së tij nëpër kinema.

Sipas sajtit të informacionit për filma, IMDB, 32 filma kanë arritur këtë shifër, mes tyre “Skyfall” i James Bond, “E bukura dhe bisha” me Emma Watson dhe klasiku modern për fëmijë, “Frozen”.

Më herët këtë javë, shifrat në Britaninë e Madhe treguan se “Black Panther” po linte prapa superheronj që varionin nga Iron Man, Thor apo Captain America, pasi mblodhi 35.4 milionë paundë në tre javë.

No Comments Yet

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

logo-madam-mapo-png-e  mapo1   revista-mapo
¤